好有lifestyle嘅財爺鬍鬚曾（圖），除咗鍾意格劍，另一嗜好就係睇戲。雖然《翻生求職黨》唔係佢最like嘅法國電影，凸顯唔到佢嘅中產味，但因為套戲講兩個失業中坑為搵工出盡奇招，就業問題喎，都係財爺嗰瓣，加上今次係香港青少年發展聯會搞嘅慈善開映禮，鬍鬚曾實行寓工作於娛樂，噚晚去咗睇戲。勞工及福利局局長張建宗係主責官員，同樣應邀入場從呢套戲「取經」。唔知鬍鬚曾睇完後有冇乜嘢啟發呢?
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange