醫管局財務及資訊科技總監謝秀齡（Nancy）聽日起退休，醫管局成立後一直任「掌櫃」嘅佢憶述，20幾年來最難忘今年財政預算案立法會陷拉布僵局，因為預算案若遲遲未通過，醫管局就冇錢使，最慘醫管局投資咗嘅錢又唔可以隨便拎番出嚟，Nancy話為免畀唔到高達28億嘅人工開支，當時已問定各大銀行嘅透支息率，同銀行傾定好啲rate，幸好最終都唔使走上借錢呢一步。Nancy透露，病人中以露宿者同獨自從內地來港探親嘅病人走數機率最高；為咗積穀防饑，醫管局都會買吓低風險債券。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange