富二代回饋社會嘅方法有好多種，會德豐（020）太子爺吳宗權（Douglas）就選擇親力親為，噚日喺業績會抽時間同到場參觀嘅一班中學生傾偈，佢之前仲去過其中一間中學嘅畢業禮做嘉賓。
噚日係Douglas做咗會德豐董事後，首次主持業績會，佢到場後，第一時間走去同在場參觀嘅五育中學，同埋潮州會館中學嘅師生傾偈，會後繼續留低同學生交流。
至於Douglas擔大旗嘅表現，佢神態同阿爸吳光正真係有幾分相似，但答問題嘅反應就似乎有少少慢。八卦一輪，先知道咁係因為Douglas大部份時間喺外國長大，講慣英文，佢又堅持全部用中文答問題，所以佢答問題時，要用些少時間喺腦內繙譯一次，態度認真抵讚。
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24