【本報訊】亞視昨日發出公告，指王征再向亞視貸款2,700萬元，即截至昨日，王征已對亞視累積投入約13.59億元。
浸會大學新聞系助理教授杜耀明認為，有關貸款只為鞏固王征對亞視控制權，根本無法改善節目質素，「過去三年投資咗10幾億都證明唔到亞視嘅存在意義，呢筆錢又會做到啲乜？」
資金來源惹人懷疑
杜耀明說，加碼注資亞視只可令王征在委任持牌人上，有更多發言權，但大眾完全看不出亞視有任何方法轉虧為盈，最終只能令亞視苟延殘喘，繼續浪費大氣電波：「佢嘅營運情況唔改善，大氣電波只會繼續形同被閒置，社會資源唔應該咁運用。」
據杜耀明所知，亞視每日的虧蝕約為100萬元，即使王征再貸款2,700萬元，「都唔夠蝕一個月」，他質疑在無法看到整盤生意有望好轉的情況下，王征仍繼續投資，相關資金的來源惹人懷疑之餘，亦令人猜測背後有何動機，「呢種投資係咪唔係基於經濟利益，而係其他考慮呢？」所以杜耀明認為，當局應調查王征的相關資金來源，以免大氣電波繼續被浪費。
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24