2013博鰲青年論壇（香港）嚟到第四屆，今年9月9日喺會展舉行。每年主講嘉賓都猛人如雲，今年除咗有中國銀監會前主席劉明康、新加坡前外長楊榮文等，其中一個關於亞洲文化嘅環節，唔只搵到蘭桂坊之父盛智文、麗新集團主席林建岳幫拖，連明星張震都肯開金口主講。主辦嘅菁英會主席梁宏正透露，有成員力主搵Cool魔張智霖㗎，內部經過「鬥爭」先拍板搵張震。
菁英會10月仲會搞文化論壇，主題同茶、酒、檀香有關，由唐唐分享心得。
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24