微軟行政總裁鮑爾默（Steve Ballmer）服務微軟30幾年，CEO都做咗十幾年，雖然喺佢領導下，微軟近年發展輸畀蘋果同Google等同業，但點計都算係勞苦功高。可惜，現實係最殘酷嘅，當佢上周五宣佈退休，微軟股價向好，認沽期權個價就向下，反映投資者極之歡迎佢唔撈。
自從微軟上月公佈重整架構計劃後，市場都憧憬微軟會有一翻新景象，好多淡友見勢色唔對，亦鳴金收兵，股價近排向好唔在講，連微軟認沽期權個價，亦跌到近6年低位，反映投資者睇好鮑爾默走咗之後，新CEO會交出好成績。 個人電腦需求減，微軟想靠流動電腦產品翻身，點知推出嘅平板電腦Surface唔賣得，好多人都怪鮑爾默因循，令微軟錯失喺智能手機等高增長業務嘅發展機會，惟有寄望接班人能拓展呢方面，提升公司嘅價值。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange