雙紅會利物浦下周日迎戰曼聯當前，球迷們難免上演一輪牙骱戰；昔日因「萬人迷」碧咸而情傾曼聯，周秀娜師妹Kabby至今仍獨愛紅魔，而「美肌女神」Jancy就表明對靚仔球星「唔過電」，心中男神只有「神奇隊長」謝拉特！記者︰鄧永賢 攝影︰羅君豪 場地提供：iSoccer
睇波不是男人的專利，兩位90後靚女Jancy及Kabby都是好波之人，對英超情有獨鍾。毫無疑問，女生喜歡睇波，大部分都是因為碧咸，目前忙於排練舞台劇的Kabby亦不例外，坦言自小已愛上「萬人迷」︰「我和家姐、弟弟都是運動迷，自小已喜歡一齊睇波，我小五、小六已好鍾意碧咸，他的『黃金右腳』真的好厲害！」
美肌女神撐謝拉特
雖然碧咸去季經已掛靴，但Kabby至今仍力撐偶像母會，深信季內首戰紅軍，可以擊敗宿敵︰「朗尼留隊，加上陣中有神射手尹佩斯，火力強勁，一定可以贏波，至少贏2:0！」當然，睇波不一定只看球星，Jancy笑言對碧咸、費蘭度托利斯等靚仔球星「唔過電」︰「睇戲就睇古天樂，睇波梗係要撐古天奴啦！睇波聽到他的名字覺得好得意，之後就一直留意他。」除了古天奴外，身為紅軍忠實「粉絲」的Jancy，直言最愛謝拉特，她表示球隊開季兩連勝兼零失球，相信「神奇隊長」可以領軍持續強勢，在今季首次雙紅會淨勝兩球。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange