「動主播出更」今日就輪到吉吉隊嘅最後一員薛國斌（斌斌）出更喇，佢就搵嚟灣仔猛鬼導賞專員麥德正（阿正）帶攝製隊勇闖灣仔鬼屋喇！
第一站：灣仔南固臺－紅屋
南固臺俗稱紅屋，不過啲街坊都係鐘意叫佢做灣仔鬼屋，事關呢度猛料多籮籮，03年就有一班學生偷入紅屋後，發生疑似鬼上身事件，最後要出動幾名警察合力制服，咁究竟紅屋係咪真係咁猛呢？
其實紅屋鬧鬼傅聞唔係新鮮事，導賞專員阿正話：「有啲癮君子話曾經喺入面見過有啲奇怪嘅光，然後全屋變到好靚好新。有人會話可能係啲癮君子吸咗毒先有幻覺。據歷史記載，日佔時期船街一帶係日軍慰安所，而南固臺更加被選中做貴賓廳，所以傳聞都可能係因為歷史背景而o黎嘅。」
訪問期間，阿正忽然好正經咁向前面某棵樹講：「我哋嚟拍嘢，拍完走。」
又叫攝影師唔好影o個度，事後佢話該處曾經有事發生喎．．．
第二站：修頓球場
斌斌話唔係好信修頓球場有鬼，點知就俾阿正喝住，叫斌斌唔好亂踩。阿正話：「修頓係日佔時期曾經俾日軍轟炸，死咗好多人。因為死者太多，唔夠地方埋葬，於是有好多（死者）就葬咗喺修頓下面喇．．．」
【動主播出更】進行得如火如荼，參賽者要面對一連串考驗，當然要大家嘅支持！
快啲上動主播網頁 http://anchor.appledaily.com
去佢哋個人facebook專頁俾個Like啦！
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！