「超人」李嘉誠旗下長實（001）今年仲未賣過新樓，同工廠為鄰嘅荃灣昇柏山成為頭炮。呢個樓盤噚日喺紅磡置富都會開放示範單位同售樓處，現場擺咗個樓盤模型，樓盤兩旁擺咗兩嚿透明大膠箱，唔通超人真係當附近嘅工廈透明？
市民如果有實地視察昇柏山環境，應該知道呢個樓盤夾正喺城市工業中心同新豐中心中間，距離仲好近。之但係，只去售樓處睇大廈模型，就見到昇柏山旁邊有兩舊好膠嘅透明建築物，若然乜都唔知，就咁睇完以為係住宅都唔出奇。
一手住宅物業銷售監管局就話，任何本意係促銷指明住宅物業嘅文件或資料，均受條例有關對廣告要求嘅規管，廣告不得載有虛假或具誤導性資料，任何失實陳述或虛假或具誤導性資料，即屬犯罪。當局又話，會巡視示範單位同售樓處，懷疑違例都會進行調查。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange