亞視為推翻通訊事務管理局罰款100萬元，及終止執行董事盛品儒職務的裁決，昨日由關係密切的亞洲會發起在政府總部大搞騎呢騷，可惜現場僅得100多人出席，藝員方面「最紅」的已是亢帥克、筱靖、蔡國威和顏子菲等，約20多藝人撐場，場面比去年亞視主要投資者王征帶隊到政總否決發免費電視牌照差天共地。
雖然昨日沒有王征跳騎馬舞，但請願行動依然騎呢，如藝員變相撐自認靚仔的盛品儒做藝人、筱靖與黃集鋒炒大鑊、請願變硬銷亞視節目等，亞視政總「騎呢柒件事」比亞視節目精采百倍！
採訪：楊潔雯、卓寶花
【壹】撐盛品儒做藝人
被要求離職的亞視執行董事盛品儒曾自認靚仔，昨不少亞視藝員力撐他留低之餘，更指他就算唔做幕後高層也可做幕前。其中曾與盛品儒傳緋聞的亞洲會會長魏秋樺對此說：「佢好有才華，其實我都想搵佢做我本寫真男主角，但呢個時候唔得閒騷擾佢。」會否做盛背後女人支持他？魏秋樺說：「背後所有人都支持佢。」記者指二人曾傳緋聞，是否擔心對方去留問題？魏秋樺說：「係呀，蛇無頭不行，冇咗盛生，亞視唔知點運作，我有同盛生秘書聯絡，知佢心情起伏不定。」
黃集鋒和筱靖均力撐盛品儒有條件做幕前，黃集鋒勁擦鞋說：「如果佢做，我哋就冇位企，佢係人才，啲觀眾鍾意佢多過我，佢高大有文化，又識講嘢。」
騎呢指數：★★★★★
（註：5個★為最高）