【銅鑼灣】劉天蘭專幫藝人做形象設計同做顧問，自己打扮當然都唔會差得去邊，唔係點做生招牌！早前佢又貫徹一向以來嘅型格打扮，一個人去到銅鑼灣沿住禮頓道一路行。當佢去到區內好出名嘅老牌丹麥餅店，都忍唔住入去幫襯買咗個包。買完之後，劉天蘭急不及待攞住個包一路行一路食，向住新寧道嘅利園商場方向行去，未行到商場佢已經食晒個包，之後就上咗架的士離開。
採訪、攝影：黃曉程
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！