前馬會董事兼中信泰富（267）前主席榮智健，因公司炒燶外匯Accumulator，喺2009年辭職，此後轉趨低調，當時所養馬匹「來福」亦喺2010年7月賽後退役。
飛影上季三戰全勝
事隔幾年，佢重新養馬，而且一養就兩隻，上季尾先有一匹喺外地三戰全勝，在港被評89分嘅新馬「飛影」抵港，今季再有一匹喺外地未嘗出賽嘅自購新馬到港，又係以「飛」命名，叫「飛龍」。
榮智健過往養過不少頂級名駒，其中「活力先生」同「奔騰」更先後成為馬王，「奧運精神」和「掌門」亦贏出大賽。雖然佢放棄養馬前嘅幾匹「飛劍」、「來福」等表現平平，不過今次重新養馬，兩匹馬「飛影」和「飛龍」再以「飛」字行頭，唔知係咪想養馬運再次起飛嘅意思呢？
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24