投資者通常視董事、高層沽貨，係睇淡公司或者股價見頂嘅表現，近年最出名莫過於利豐（494）CEO樂裕民，2011年喺利豐公佈全年業績、踏入禁售期前，沽貨套現7億元，當時利豐股價喺23蚊，正正係見頂之時，利豐之後嘅故事發展係點，都唔使華華多講。
但凡事總有例外。以莎莎（178）掌櫃陸楷（Guy）為例，每年公佈完業績，到時到候就會減持套現當係出糧。事關佢個package底薪唔算高，大部份人工都是靠購股權，投資者都習以為常。好似今年6月莎莎公佈業績後，Guy就行使兩批行使價係1.095元嘅購股權，然後由7月初至今密密沽貨，佢越沽股價越升，均價介乎7.5至8.3元，兩個月累計套現超過3,200萬元喇。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24