再培訓唔限於低技術工種，上市公司董事亦需要再培訓。東方明珠石油（632）6月底曾經公佈，聯交所上市委員會公開譴責黃坤在內幾位董事，指佢哋未盡責，仲要求佢哋接受再培訓。事隔兩個月，公司噚日公佈，兩位執董黃坤同周里洋已經完成培訓嘞。
公司通告冇講清楚，兩位執董實際完成乜東東培訓課程，但係聯交所之前就要求佢哋完成由香港特許秘書公會、香港董事學會，或被聯交所認可嘅課程機構，所提供涵蓋8個核心課題、合共24粒鐘嘅培訓，仲要有4粒鐘有關持續責任嘅培訓。照睇應該係教佢哋應該點樣做董事啦。
兩位董事亦好認真，有功課交㗎，上周四已經向上市科遞交完成培訓嘅書面證明。噚日出得通告，上市科應該都收貨。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24