家陣女人仲要暗戰職場，殺戮情場，女股民仲要智鬥股場，壓力催促衰老，先唔好講雀斑、皺紋問題，最大件事是30未至身體已頻頻抗議了，濕疹和敏感近年困擾着身邊的姊妹，每次四位數醫藥費不在話下，中藥和布緯食療樣樣試勻，只望留住健康和苗條身型。
追求內到外的「靚」，連SOHO中國（410）主席潘石屹都like，仲拍埋「潘石屹給你榨果汁」的片段，堂堂一位上市公司主席，除下老西，換上廚師服，將蔬果連皮帶核榨汁，加埋亞麻籽，越拍越似電視購物台廣告，又或是《都市閒情》啲廚神。
潘石屹話自己個多月體重輕了5kg，腰圍減少17cm，連條頸都幼埋，乾完仲大叫好飲，真係十個爆趣！話說條片係佢太太張欣在《華爾街日報》辦公室公開，又話好多朋友都被感染。
咁hard sell，好多人懷疑佢哋想撈埋健康產品，Samantha覺得絕對唔出奇！第一，阿爺將「營養與保健食品」列入《十二．五》規劃，料2015年產值達1萬億元，年均增長20%。
第二，眼光向來精準的超人早就有長江生命科技（775），飲了頭啖湯了！
Samantha
本欄逢周一、三、五刊出
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24