周潤發、謝霆鋒、童菲、景甜、吳辰君及王敏德等，前日在元朗博愛醫院繼續拍王晶及劉偉強新戲《賭城風雲》，劇情講演霆鋒哥哥的伍允龍被打死，而演發哥女兒的童菲亦遇襲失憶，發哥到醫院探望。
發哥以藍色上衣灰褲及黑鞋潮look和發嫂到場，貴為國際巨星的發哥，仍表現親民，到埗即跟現場工作人員及演員打招呼。當拍攝完其中一個鏡頭時工作人員表示要拍多次，發哥笑問：「有乜要改善？」工作人員解釋因演醫生的演員講對白不夠清楚。
睇港姐嫌寡
王敏德、景甜及澳門演員古天祥趁空檔時和發哥影相留念，發哥主動拿起他們的手提電話自拍，他似乎對古天祥特別感興趣，不時問他的背景等，古天祥指自己有西班牙血統，發哥搞笑問他：「你老竇點識你阿媽？」令現場氣氛更輕鬆。今次發哥跟不少新人合作，他笑謂：「仲新人？童菲我同佢合作過《大上海》，沈震軒都拍過好多劇，我叫佢師傅至真。」稍後發哥要和沈震軒有場對打戲？發哥笑稱：「唔使打喇，我開一槍佢就死，打就交畀張晉同霆鋒，我哋呢啲放毒針，笑騎騎放毒蛇。」
一向鍾意煲劇的發哥有否看港姐準決賽？他直言：「睇咗少少，不過冇歌舞，𠵱家好寡。」提到觀眾有份投票，發哥說：「唔知喎，唔知點投，網上？我都係鍾意以前傳統啲咁，好似月餅咁，都係傳統嘅好食啲。」
採訪：黃曉妍
攝影：黃偉雄
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24