【中環威靈頓街】蘇志威投資嘅跳舞學校，開完一間又一間，做生意的確有一手，不愧為蘇老闆。唔好以為蘇志威淨係掛住搞生意，其實佢都好錫屋企人，前日6點鐘左右，佢以一身潮look拖住細女Ina喺中環出現，囡囡打扮都唔輸蝕，花花裙襯短靴非常有型。佢哋兩父女由威靈頓街一直行落去雪廠街，沿途有傾有講，之後仲入咗I.T時裝店睇衫，品味係要由細就培養。
採訪、攝影：朱志聰、梁繼光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！