喺《吸血新世紀》（Twilight）電影系列飾演羅拔仔個醫生老竇（小圖）嘅美國男星彼德費辛納里（Peter Facinelli），離完婚居然越嚟越有睇頭，六嚿腹肌出番晒嚟，完全唔似39歲。噚日佢同三個女以及《雷神奇俠》（Thor）女星新歡Jamie Alexander，一齊去墨西哥東部嘅度假勝地坎昆玩，戴帽落海嘅彼德先用佢嘅臂力，單手將細女Fiona Eve掟咗落水，比「掟阿媽出火車」更兇狠！上岸後彼德又同二女Lola Ray玩水槍，笑到四萬咁口，之後仲聯同大女Luca Bella齊齊着住泳衣周圍行，大晒一家四口親情，睇嚟唔止好幸福，新女友仲應該𠱁到彼德好開心㖭，簡直係返老還童呀。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24