上周六係馬尼拉人質事件3周年，亦都係新民黨主席葉劉淑儀63歲生日。由於撞正人質事件周年紀念，葉劉冇大搞，只由囡囡約埋新民黨職員同部份朋友，喺蘭桂坊Casa Lisboa餐廳慶生。
葉劉當日低胸露臂出場，玩得好開心。佢席間笑笑口話多謝阿女搞party，所以話都係生女好；但如果生仔，最緊要揀個好新抱，趁機搞gag話希望為人父母有份「篩選」。佢仲自爆早前去做身體檢查，醫生話佢健康好好，唔通暗示要選特首都一定應付到？
而喺慶生之餘，葉劉仲喺fb大騷日前上田少豪華遊艇出海嘅熱褲「船河look」，佢話吃喝玩樂之餘都有傾公事㗎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange