人紅自然吃香，香港職業拳手曹星如吸引澳門威尼斯人，前日專程派人從澳門到佢練拳嘅拳館打手印（圖），之後放喺酒店內嘅「星光大道」展覽。更可喜嘅係，11月喺同一酒店舉行嘅拳賽，星如已肯定獲邀參加，但對手就仲未知。話咁快，星如對上一場拳賽、亦係贏得職業生涯10連勝嘅比賽，已經過咗一個月，佢嘅經理人兼教練劉志遠，已經幫佢安排咗第11場職業賽，就係下月17日喺曼谷舉行嘅Singwanchai Show，星如會參加一個6回合嘅比賽，對手日內就會公佈；至於11月威尼斯人場比賽，就變成星如嘅第12戰。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange