足總主席梁孔德（右）噚日出席港甲贊助記招，難免被傳媒追問足總百周年會慶表演賽嘅細節；佢話已經聯絡國際足協同經紀斟國家隊，初步構思踢兩日，仲可能搵埋國足出戰㖭。康文署周五就開會研究點樣改善大球場草地，主席話應該趕得切有靚草搞百周年表演賽。另外，今屆港甲繼續由RedMR贊助，估計部份贊助費會補貼傾得七七八八嘅電視轉播。而未來兩季港甲改用Nike足球作賽，首周仲會派2,000張港甲海報，第二輪賽事就送港甲特刊。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24