超人李嘉誠打算買金礦，唔通睇準金價即將見底回升？講緊係長實（001）同加拿大帝國銀行（CIBC）各揸一半股權嘅CEF Holdings有意投資金礦公司。
CIBC行政總裁Warren Gilmen接受外電訪問時話，金價早前升到1,700至1,800美元，令佢唔係咁舒服，不過佢哋長遠睇好金價走勢，又話今年金價喪跌，反而畀到佢哋投資機會。
雖然最近金價反彈唔少，但現價較今年高位累跌16%，𠵱家出手可能真係比較舒服。奇怪嘅係，超人以往買嘢、賣嘢，通常係簽完合約先講，因乜解究，CEF𠵱家會預告佢哋想買金礦公司呢？驚買得平嗎？
CEF近來亦投資唔少項目，包括溫哥華一間礦業公司Avanti Mining、美國鈾能源公司，又喺加拿大發展鉬礦。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange