旺旺（151）做開零食飲料，最近竟然試埋推出漱口水，噚日喺分析員會議上免費派發試反應。樽裝漱口水見得多，呢款好似利賓納嘅包裝真係少見，分析員唔知係咪怕飲錯，現場所見就冇乜人攞，分析員似乎都係鍾意攞食得嘅嘢多啲。
旺旺通常一年搞兩次分析員會議講業績，噚日喺金鐘一間星級酒店搞，例牌又係準備大袋禮物送畀忠實粉絲，裏面有齊米餅、牛奶、箒喱、杯麵等等。開完會後，分析員蜂擁走去排隊攞禮物包，差唔多有百人排隊，不知幾墟冚。
咁啱，做衞生巾同紙巾嘅恒安（1044）喺同一間酒店舉行分析員會議，早過旺旺10分鐘散會，唔少分析員離開恒安個會，急急腳衝到旺旺門口登記，入內駐足幾分鐘就走去攞禮物包。唔通零食嘅魔力真係大成咁？
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24