無綫新聞部前日因為新嘅剪片電腦系統突然short咗，搞到6點半新聞報道有唔少蝦碌嘢，例如頭條嘅薄熙來案同午間新聞內容一模一樣，預告片又離奇消失。
八方噚日問過通訊管理局，原來截至噚晚為止，「零」市民向該局投訴無綫翻炒舊聞，唔通個個掛住狙擊亞視，放生無綫？
有傳新聞部主管袁志偉，貪平而有份決定買呢套新系統，但無綫外事部總監曾醒明就為花哥呼冤，話套系統一啲都唔平，強調試驗期間梗係會有小問題，前晚出事後已經即時開會檢討。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange