跳水皇后郭晶晶與霍英東長孫霍啟剛的愛情結晶昨日凌晨出世了，二人一索得男，B仔重7.3磅。新任父親啟剛即在微博公佈母子平安喜訊，榮升太嫲的呂燕妮及爺爺霍震霆昨日在醫院四萬笑容停不了，更大讚孫仔大隻靚仔多頭髮，是父母的混合體。
奧運跳水冠軍郭晶晶與霍英東長孫霍啟剛04年雅典奧運後邂逅，去年11月完婚，新婚不夠一年即陀金叵羅，深得霍家上下寵愛，更成為中港兩地體育、政界關注盛事，晶晶昨日凌晨在跑馬地養和醫院順利誕下7.3磅大眼B仔。霍老爺霍震霆昨在醫院笑說：「今朝一早凌晨出世，兩個都好健康！」新任父親霍啟剛昨午12時多也在微博親自宣佈喜訊：「我和晶晶的兒子已經在今天早上出生了，體重3.3公斤（約7.3磅），母子平安健康！」他多謝各界祝福，更留言透露會稍後發放一家三口照片分享。
「幾靚、頭髮幾多」
據悉晶晶與啟剛前日已秘密入院準備，據知晶晶預產期在上星期二（20號）農曆七月十四鬼節正日，擁有運動員堅強鬥志素質的她想自然分娩，但等足近一星期仍未作動，惟有入院打針催生，結果BB昨凌晨順利出世。霍家上下前晚都大為緊張，包括老爺霍震霆也捱夜等孫仔出世，而晶晶父母亦低調來港陪晶晶，深夜避過傳媒探訪女兒。
老爺霍震霆昨日榮升「霍爺爺」興奮莫名，打定紅呔、紅恤衫西裝造型，為啟剛向記者宣佈喜訊，霍老爺笑言：「兩個都好健康，到時囝囝唞一、兩日會分享經驗。」問到孫仔容貌時，霍老爺表示：「細路係父母兩個混合，都幾大隻、幾靚、頭髮幾多幾健康，擘吓眼又瞓番。」霍爺爺心情靚絕，更透露抱孫感受：「有少少唔熟手，都叫榮升啦，爺爺，特別我媽咪好開心，今次已見過。」問他是否已為孫仔改名？會跟族譜命名嗎？他笑言：「等佢出世，係爺爺任務，係終身，一定要審慎，已有idea，幾方面要配合，終身要謹慎。」郭晶晶自有身孕，不斷傳出霍家有厚禮，一時傳獲准搬到半山豪宅安胎，一時傳獲家族基金撥備一億作教育基金，記者問霍老爺如何獎勵新抱時，他未有正面回答：「啟剛叫我向你哋同事咁多人講，覺得唔好意思，不過佢話自己冇瞓幾日，等佢唞吓，大家唞吓，出嚟會見你哋分享。」提到滿月宴日子，他表示：「我哋好民主，下次傾吓。」
四代同堂太嫲笑晒
啟剛二弟啟山約下午5時拖實嫲嫲呂燕妮步出養和，二人都面露燦爛笑容，啟山表示：「今日一家人好開心，尤其是嫲嫲。」提到晶晶狀況，他說：「兩個身體都好好，最緊要係咁。」榮升太嫲的呂燕妮也開腔：「好開心，多謝大家關心，都有抱曾孫，兩個都似。」至於最美麗嫲嫲朱玲玲亦於昨早探望孫仔，昨晚8時再到醫院，她笑說：「今朝嚟睇過，好開心，晶晶身體好好。」問她BB似誰？她說：「唔好講住，等啟剛嚟問佢，樣成日轉。」朱玲玲笑言中文差，不會參與孫仔改名：「英文名留畀佢哋。」問到送甚麼禮物給孫仔？她說：「同佢商量，唔需要賣報紙。」
此外，有親友得知晶晶生產成功，即託人送上藍色蛋糕造型的禮物祝賀，不過院方保安嚴密，加上禮物未有送方資料，故退回蛋糕。
採訪：盧妹、胡比
攝影：黃文偉
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24