美國駐港總領事夏千福嘅遊蹤，已經成為唔少市民茶餘飯後話題，好多人都會估吓，夏千福下一站會遊去邊？燈、燈、燈、凳，美領館噚日喺fb公佈，夏千福上周六終於過海嘞，由港島區直踩九龍城，去到一間潮州餅家食老餅。只見着住休閒便服嘅夏千福，喺寫有「正宗師傅主理」嘅餅店門前笑瞇瞇留倩影，好有到此一遊旅客feel！
有網民話單睇舖面，覺得嗰度應該係老字號和記隆，話佢仲本土過當年食蛋撻聞名嘅肥彭。當然，好多網民依然最關心嘅係，夏千福到底幾時去明將壽司挑機呢？明將壽司見受網民「追捧」，主動出擊喺美領館fb邀請夏千福到訪西九龍中心分店，同希靈魚軍艦結拜。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24