【本報訊】人生如戲是王耀強的寫照，他在草根電影《稻草人》飾演每日工作12小時的保安，與親人關係疏離。戲外他在大學做過夜更保安員，早前因雙親離世患精神分裂症。電影中阿強藉跳舞與母親重建關係，但現實中阿強卻與平凡打工仔一樣，在越拉越長工時裏努力維繫一線親情。
記者：潘柏林
藝術發展局今年贊助舉辦草根電影拍攝計劃，由影意志和三個民間團體分別創作《稻草人》、《失業漢》和《我城我地》三部獨立電影，電影均由基層市民自編自演，講述草根階層生活和社區文化。精神病康復者王耀強（55歲）首次參與電影演出，在《稻草人》裏飾演兩更制保安員，每日被更亭四面牆封閉着，與母親關係疏離。
現實生活中，阿強曾在城大擔任通宵更保安員，每日輪班工作12小時，深明工作苦況，「如果你瞌眼瞓會俾人寫花本簿，將來再做兼職同臨時保安員有困難，因為資料入晒中央電腦系統，但係三更半夜企喺度又冇人睇住你，有時好大掙扎，喺瞌眼瞓」。
導演讚師奶想像力豐富
工時長亦令親情淡薄，「收工返到屋企之後，有時攰到唔記得熄燈，同埋唔睬屋企人，就攤喺張床瞓覺」。阿強指參與電影演出反映基層苦況，亦領悟再忙也要與親人相聚，現時每逢有空，就會探望兄弟姊妹，相約飲茶閒聊。
《失業漢》講述中年失業男不懂處理夫妻關係，一次召妓被妻子撞破。導演陳浩倫讚揚一眾師奶創作劇本時想像力豐富，「佢哋對情景想像力好豐富，當一個男人召妓落嚟見到老婆嗰陣，究竟會唔出聲、辯解定即走，佢哋講到好多唔同類型反應」。《我城我地》則講述一群年輕人以錄像拍攝藍屋和灣仔社區變遷，更加入近期囍帖街變身囍歡里爭議。三套獨立電影除舉辦社區放映會，現時製作DVD出版，陳浩倫指亦考慮會否放上YouTube讓市民免費欣賞。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24