星展銀行噚日宣佈，為品牌重新定位，搵咗四位賓架小花撐場，佢哋絕對唔係二打六，個別仲係高層，包括財資市場部副總裁歐陽妙儀、新入行嘅見習行政人員劉勵儀、企業及機構銀行助理副總裁林也睿，同埋環球交易服務處嘅盧思樺。唔知同呢四位靚女一齊工作嘅男同事，每日返工會否打扮得份外醒神呢？
由星展過檔去永隆銀行做助理總經理嘅鍾少權都唔執輸，早排着住件白色西裝主持投資論壇，佢呢個look應該迷倒不少女性顧客。
賓架界當中，鍾少權出晒名係運動健將，鍾意跑步同玩爬山單車，非常好動，唔知點解，佢過檔永隆後越來越弗，仲好似食埋防副劑咁呀。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange