還記得今個月初,資源股突然成為資金熱炒板塊,煤炭、水泥股一齊開party。不過,派完成績表後,邊隻股先係真材實料,睇股價就一目了然。
中國建材(3323)中期不單止少賺29%,淨資產負債率更嚇死人,竟升至近500%,即係每1蚊資產,都孭緊5蚊債。業績差到震,噚日當然逆市插低近6%收7.19元,更值得留意是成交額高達8.75億元,創今年新高,反映資金已大逃亡!
大行齊唱淡 目標價分歧
瑞信、摩通及德銀齊唱淡,大致上都是話中建材績差、債勁、今明盈利都唔好。德銀更指出,該公司連A股融資都不獲批,睇嚟短期好大機會發H股,盈利質素只會持續惡化。
三大行口徑一致,不過給予的目標價就相差十萬八千里。摩通調低目標兩成至8元,但仍遠高於瑞信及德銀的4.8及6.25元。翻查往績,摩通一直都係三間中睇得最牛,3月底叫增持睇好14.5元,點知中建材就跌到約9蚊,4月尾就降目標至10元。點知仲衰,股價跌到約6元,好明顯估到錯晒。
瑞信就是超級大淡友,削目標至4.8元,意味是超過三年的低位。睇番走勢圖,距離下一個支持位6元都仲有段距離,略嫌睇得太淡。
相反,德銀一路叫沽貨,但預計中建材附屬西南水泥貢獻強勁,故轉軚將目標調升兩成,夠中肯,投信任票!
瑪姬兒
一副24字的對聯影響蔡瀾一生,今集《亂噏24》,蔡瀾為你逐句解釋!
點擊以下連結,全集即時重溫!
http://bit.ly/appletalk24