八方同事日日都會贒實無綫六點半新聞報道，噚日睇完發現有啲唔對路，一開始同廣告前都冇咗新聞預告咁怪嘅？睇吓睇吓仲覺得啲新聞內容，好似薄熙來被審咁，同一點鐘新聞冇分別喎，乜中間呢幾個鐘，件事冇最新進展咩？抑或無綫記者太是是但但，唔肯update呢？
大家唔好錯怪無綫記者嘞，事緣無綫啱啱喺7月選用，包括剪片、傳輸同播出嘅新電腦系統噚日突然死機，搞到必須用一點鐘新聞報道嘅舊version，應付六點半新聞時段。據知呢套新系統較當時其他系統平成足足三成，係新聞及資訊部總監袁志偉拍板話要㗎；呢次慳出禍，邊個孭飛呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange