2013年係沙士十年，亦都係俗稱「屍爬」嘅CEPA（更緊密經貿關係安排）十周年，唔知CEPA係乜嘢唔緊要，但近年全港周街強國人自由行，就屬CEPA框架下㗎。香港中華總商會噚日就喺會展搞CEPA十周年論壇，論壇當然報喜不報憂，一味唱好CEPA點樣令到兩地如何繁榮昌盛，但對自由行點令香港不勝負荷、中港矛盾日益惡化等問題，無論論壇演辭同展板刊物，都隻字不提。
商務部副部長高燕喺論壇話，呢十年係香港同內地兩地互利共贏嘅十年，大家聽完唔會詫異，佢嚟自北京，點會感受甚至重視港人之苦？可惜連唔少港人好like嘅政務司司長林鄭月娥噚日出席論壇時亦一味唱好喎，大讚CEPA為業界帶嚟好多商機，唔知會唔會令部份粉絲心碎呢？
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24