領匯（823）舉行業績會、股東會被示威者踩場司空見慣，估唔到神華（1088）亦有此遭遇。神華噚日喺金鐘某大酒店舉行業績會，綠色和平兩名內地代表竟然成功混入業績記者會踩場。
凌總黑面但有禮
綠色和平早排曾經發表文章，批評神華喺內蒙鄂爾多斯大量抽取地下水，而且非法排放污水，破壞生態環境。兩名代表噚日一人提問，另一人舉起大紙板，成功搶鏡，神華一班高層頓時變晒佈景板。
神華總裁凌文雖然黑面，但依然鎮定兼有禮咁答佢哋問題，指公司使用地下水係得到政府批文，排放又跟足政府要求，仲成功進行技術改造，零排放咁滯。
凌總表現如此大方得體，照理記者會應該繼續，點知管理層突然話要趕飛機，拉隊起身走人，話走就走，在場記者O晒嘴。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24