【本報訊】中小學下周一開學，有愛港之聲成員揚言當日會到寶血會培靈學校外示威，迫使校方解僱怒罵警員的教師林慧思。有培靈家長和粉嶺居民促請有關組織收手、放過學校，撐林繼續留任。國民教育家長關注組昨發聲明，呼籲停止狙擊林老師，「還學童一個平靜的開學日」。
愛字頭動機惹人懷疑
培靈學校昨為部份小三學生舉行補課，兩名女兒在該校就讀的鄧太表示，下周一會如常讓她們上學，並支持林慧思留任，「個個人都有錯，錯咗唔緊要，下次唔好再錯，應畀個機會佢」。其升小三長女芷柔說，上學年數學科由林老師教，「教得好好，我唔識做嘅嘢，佢會教我，想俾佢繼續教」。高年班家長韋太認為林慧思爆粗是無心之失，「但有人無限放大，仲影響學校。最大問題係梁振英，本來件事已經平息，但佢要追究。我支持學校、支持林老師，只係反對梁振英一個人」。她要求愛港之聲停止搞事，「可能佢哋太得閒，冇事搵事嚟做」。不過小二家長周女士表示，女兒看了有關林老師的新聞後，抗拒再由林授課，甚至要轉校，因此認為林老師不應留下。
國民教育家長關注組發聲明，呼籲愛港之聲等團體停止狙擊林老師，否則就是「迫害及欺凌」，又不點名指香港家長聯會「不代表我們」。家長關注組強調，林老師不滿警方偏袒青關會阻礙法輪功行使宗教自由的權利，遂以市民身份質疑警方執法不公，即使表達方式引起爭議，林道歉後事件應告一段落。不過，隨着警察團體高調譴責、警方出動重案組、梁振英要求教局交報告，事件已演變成並非單純關乎林老師言行的層次，「種種行動背後動機惹人懷疑」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange