民建聯多年嚟靠遠近馳名嘅「蛇齋餅糭」收買人心，但𠵱家嘅選民又點會僅僅滿足於飲飲食食？所以連地區服務都要升呢，各黨派大搞免費法律諮詢、調解服務等。民建聯當然變陣「搶客」，佢哋嘅專業事務委員會啱啱換莊，拿拿臨成立咗社會工作小組，更引進改裝Van仔做流動辦公室，9月開始投入服務。
呢個流動辦公室有乜嘢搞作？民記副主席張國鈞舉例，報稅嗰排車上嘅會計師會幫人報稅，仲有中醫、物理治療師義診等等，總之揼晒黨內專業人士心口，要佢哋搵時間做義工。民記唔止打黨友主意，仲巧立名目搞專業同盟服務約章，呼籲冇黨派嘅專業人士加盟。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24