港股早排試闖22500至22800點蟹貨區，可惜俾疑似金融風暴一嘢打沉，無功而還。距離儲局9月中嘅議息會議越嚟越近，收水傳聞只會有增無減，加上德國國會大選臨近，個市肯定會更chok，入市要量力而為。
本欄早前曾推介嘅股票，陸續公佈亮麗業績，好似味千中國（538）咁，盈利不負眾望大升1.8倍，收市創逾年半新高，炒復蘇勢頭未完，後市有力再進一步。
截至今年6月底止，味千中國半年賺1.6億銀，按年增長1.8倍，與去年下半年比較，亦有逾兩成增幅，勢頭強勁。保守計下半年盈利再增兩成，則全年每股盈利達26仙，已達2010年度高𥧌嘅62%，但現價卻較當時低逾一半，仍存在炒落後空間。集團總店舖減少14間至647間，但毛利率及營業額齊升，證明營運得宜；財務狀況亦健康，手頭淨現金達17.3億銀，中期息亦增加64%至3.59仙。
味千放榜後即遇沽壓，趁好消息出貨勢頭明顯，惟其後立即收復失地，再創高𥧌，反映追捧者眾。上周五收報8.48元，升0.4%，可候回試8.2元水平吸納，中線目標睇10元，潛在升幅22%，屆時仍較瑞信目標價11.1元平一成。
唐牛
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24