咪以為德國超模Heidi Klum成日鋪啲火辣自拍照上網，就覺得佢淨係識幫自己谷人氣，而忽略咗班屋企人，其實一得閒Heidi都會全家出動齊齊玩。好似噚日咁，Heidi就同保鑣男友Martin Kristen帶住幾名仔女去加州聖莫尼卡玩，首先成家踩單車享天倫，之後喺海灘做出各種不同動作，實行做運動增進親子情。大女Leni由Martin秤起，做出類似引體上升嘅姿勢，次子Henry就俾瞓喺沙上面嘅Heidi用雙手雙腳撐住，十足玩雜技，至於孻女Lou因為太細個，惟有企喺側邊睇。轉個頭Leni走去玩吊環，Heidi抱起佢揸實個環，等佢可以不停向前向後盪，之後Leni又擒上高低槓，睇見細蚊女玩得咁開心，唔通佢立志想做第二個歌曼妮芝？
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24