坊間盛傳，某財經雜誌一搵星級基金經理陸東做封面，嗰期就會特別賣紙。最新一期又係陸東，仲係講好賣紙嘅題目──樓市。
陸東年內第四次做呢本雜誌嘅封面，呢位大好友舊年初開始轉軚，指樓市見頂，去到年底就話樓價唔會大升，亦唔會大跌。
最近佢嘅悲觀指數急升，提出資金流走、加息、供應增加同政府推出辣招等四大因素，預期未來兩年樓價將穩步向下，終點係高位唔見一半，去番2006年水平。呢個預測都幾震撼！
雖然佢睇淡樓市，但依然係股市大好友。佢冇再提出恒指最新合理值，只係話仲有機會挑戰今年高位23900。佢又強調，炒股不炒市，心水股包括海螺水泥（914）、銀泰商業（1833）、金地商置（535）等。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange