退咗休之後依然每兩個禮拜探監嘅陳日君樞機，每年中秋都會送月餅畀過萬在囚人士，等大家一人一餅慶團圓。為咗籌夠數，佢今年諗咗條鬼馬橋，就係搵新鮮出爐嘅教宗方濟各做生招牌，最終方濟各唔止應承捐出一個月餅，仲簽咗陳樞機寫嘅卡，上面寫住：「在天堂門口，耶穌會認出我們曾送月餅給祂」。嘩，攞月餅送天堂通行證，呢份季節限量「贈品」，邊個教徒唔想要呀？肯定爭崩頭喎！
八方好奇問吓「月餅大使」陳爺爺，平時探監做乜？佢話除咗講道理都會播吓電影，唔知點解監獄嘅朋友好鍾意睇《受難曲》，可能鍾意套戲場面寫實啩！但佢自己就覺得血淋淋好核突，加上監獄分成八組人，要大家睇勻，搞到佢睇咗八次，真係唔講得笑。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange