唔少公司老闆嘅辦公室放滿文件、擺設、雜物，華華早排去到港交所（388）前主席李業廣位於中環怡和大廈間律師樓做訪問，一入佢辦公室，就發現佢張辦公枱空空如也，只得一個筆座，同幾張為呢個訪問而做嘅筆記紙，旁邊枱仔有兩個普通電話，成間房想搵部電腦睇吓都冇。
雖然知道李業廣已經唔多理會律師樓生意，但係照計都無理由冇嘢做成咁㗎？細問之下，先知道呢個係李業廣嘅習慣，佢話一定要張枱冇嘢，費事有客人上到去，見到佢成枱文件，擔心佢唔能夠全心全意幫個客做嘢。
如此細心，難怪佢可以成為長和系主席李嘉誠嘅御用律師！
至於電腦，佢話，坐喺房外嘅秘書有電腦用就得，電郵都係秘書幫佢處理。
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24