平機會主席周一嶽唱得兩嘴好多人都知，佢細細個已立志做歌唱家，最經典嘅演出，莫過於前年喺《歡樂滿東華》獻唱一曲《忘不了你》，結果歌如其名，令好多人都忘不了佢嘅驚人「嶽」曲。
葉讚周一嶽打波夠氣
噚晚周一嶽去沙田馬場出席冠軍練馬師葉楚航嘅慶功派對，由於佢唱功了得，被邀上台獻唱。周一嶽當然冇托手踭啦，即席同藝人劉彩玉合唱咗一曲《千個太陽》，唱到一半周一嶽仲拉埋葉楚航上台一齊合唱㖭，聽到台下幾百位來賓如癡如醉、拍爛手掌。
八方聽Dennis葉楚航講，佢同周一嶽都係壁球發燒友嚟㗎，久唔久就會約埋一齊打波，佢仲大讚周一嶽打波好夠氣，唔怪得唱歌可以唱到繞樑三日啦！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange