關楚耀、衞詩雅及邵音音等前晚在旺角出席電影《重口味》宣傳，本來陳靜（DaDa）亦有份拍，但她缺席所有宣傳，問監製伍健雄會否追究？他說：「簽約時演員係包埋宣傳，我哋都會告番佢經理人公司，但唔係針對個人。」他們更找來極重口味的肥妹月心拋巨咪，音音姐更將塑膠胸放在詩雅身上，令她頗為尷尬，詩雅自言沒身材：「如果票房好就叫月心慶祝。」
詩雅早前請生日的父母看這部三級片，她笑說：「阿媽問我點解冇睇過AV，但都可以扮得咁有反應。」對於DaDa疑患中度抑鬱，關楚耀說：「咁應該留喺屋企休息多啲，搞好自己心理質素先。」
採訪：張俊銘
攝影：仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！