自由黨榮譽主席田北俊趁放暑假，邀請立法會各黨派同事上佢架超豪遊艇出海輕鬆吓；唔止建制派吖，就連民主黨早前都有上船，順便就政改交換吓意見。八方聽聞公民黨請咗田少食檸檬，冇上佢隻遊艇，但田少就約緊下個月中，同公民黨食餐飯交流吓。
公民黨毛孟靜（Miss Mo）噚日先旨聲明，佢連餐飯都唔會去食，皆因佢對於自由黨反對和平佔中嘅一系列宣傳，如「做乜霸佔中環﹖」嘅banner等，好鬼反感喎，所以個人決定杯葛田少飯局。唔知公民黨其他成員，會唔會好似Miss Mo咁有個性，因為政見唔同，連飯局交流溝通都大叫唔好？
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24