葉蒨文（沙麗）前晚在澳門舉行「完全是你」演唱會，歌衫和rundown跟之前香港騷一樣，但其中一件束身歌衫令沙麗腰間肉一節節凸出來大殺風景。訪問時沙麗自爆去賭場碰運氣：「我玩21點，揀咗張最平落注嘅300蚊枱嚟玩，同枱有個女人好氣勢，我有20點都輸畀佢，我一輸就腳軟，輸咗1,500蚊。」沙麗表示完騷後會再去賭場玩多一次。
好朋友朱玲玲準備做嫲嫲未有捧場，其新抱郭晶晶是否已誕下BB？沙麗笑說：「Loletta（朱玲玲）話一出世會通知我，佢今晚冇嚟可能都係等緊，我真係唔知幾時。」沙麗表示不知晶晶腹中BB是仔定女，會否和BB上契？沙麗表示：「我咁嘅年紀都係契婆。」
採訪：藍文浩
攝影：陳慧安
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24