香港歷史博物館舉行緊「國采朝章──清代宮廷服飾」展覽，展出130幾套珍貴清廷服飾之餘，仲請嚟著名香港時裝設計師張路路主持創意工作坊，帶住16至25歲嘅年輕人參觀展覽，從設計師角度分析清代唔同時期、身份嘅宮廷服飾設計同風格。
有名師導賞，工作坊反應梗踴躍，好似即將赴英修讀時裝設計嘅陳德容，大讚名師令佢眼界大開，學識從唔同角度了解設計嘅深層意義；希望從事時裝採購嘅余灝恩亦好like呢個工作坊，至少令佢知道古代服飾設計元素對現代設計都有好大幫助。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange