陳奕迅（Eason）前日在屯門搞新碟簽名會，簽足數小時後連衫都未換，就趕到灣仔伊館看盧凱彤（Ellen）的Ellen and The Ripples Band 「V」Live演唱會尾場，果然夠老友，到場睇騷的還包括何韻詩、黃耀明和林二汶等。Ellen在台上說：「可能香港唔係咁多人聽過我表演，但之前幾年，我一邊為Eason嘅巡迴演唱會彈結他，一邊喺內地同台灣開自己嘅騷，經歷過好多事，終於走到今日。」
另外，何韻詩成立的慈善基金昨日在銅鑼灣舉行月餅義賣，收益捐助葵涌長者互助社區，阿詩說：「捐錢對象係冇政府或者大集團幫助嘅，我個基金都冇乜錢，有時要自己墊住出嚟，fans都會捐錢，噚晚（指前晚）帶咗幾十盒月餅去盧凱彤演唱會搵人買，我講到好客氣話送畀Eason食，佢捐咗幾千蚊。」
採訪：魯萍
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！