事實上豹哥近年被人發掘的另一面，當然是提到太太胡蓓蔚那張滿足的笑容，他坦言多得老婆替他解開不少心結和包袱，至於貌似浪子的豹哥竟然會結婚，他笑說：「我相信啲人對band友有一個誤解，以為佢哋好奔放，愛自由，唔愛拘束，但係你睇吓，Be記（Beyond）三個都結晒婚，溫拿呢啲咁成功嘅band都係結晒婚，𠵱家結婚嘅觀念都唔係咁枷鎖、無自由嘅形式，男女之間關係變得好獨立，變咗結婚係一種享受，唔再係一種負擔。」
不枉此生
豹哥口中所指的心結，原來是指當年夾band所經歷的事，他說：「做band係有一個尊嚴同理想，但係band不嬲俾人感覺係次等少少，要衝破某啲界限，某啲階級觀念，先可以爭取到少少嘢，所以個理念係好緊要，但係當你單向性咁投入呢個理念，你會疏忽身邊好多嘢，變咗個人好純真，嗰種心態係經唔起考驗，譬如你俾人出賣、每次拆band，真係好hurt，我經歷咗咁多隊band，真係幾難受。」會否因為這原因不再夾band？他坦言：「都唔會，其實過程係開心，如果做到啲嘢出嚟，嗰種感覺真係好正，大家真係會流吓男兒淚，真係會好感動，越辛苦得嚟嘅嘢係越會珍惜，所以我覺得每樣嘢都有個堅持，喺過程可以享受，你已經不枉此生。我唔理最後係點，天下無不散之筵席，點都會散㗎。」
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24