準決賽中，佳麗面對她們的是非傳聞，昨日是非多多的13號歐陽巧瑩再被爆料，有指她做傳銷工作時，曾𠱁男士以萬三元做美容療程及以兩萬元上英文課堂，歐陽巧瑩昨提到此傳聞時說：「冇咁嘅事！有都應該去報警，唔應該報料啦！我冇做過傳銷，咁講係嚴重指控，刑事嚟，歡迎報料人去報警。」她坦言曾想過得罪甚麼人，心裏有一個人選：「我同一個中學同學有誤會，但算啦，咁耐都冇聯絡！」但她否認跟同學爭仔：「誤會唔係一日做成，總之我冇欺負過佢。」
曾志偉不滿爆粗
除13號歐陽巧瑩外，熱門17號陳凱琳亦被指曾整容，最近有傳她在加拿大曾整過眼、鼻及腮，整出個歐式美女模式，連整容的梁醫生都要用她的相做生招牌，但陳凱琳極力否認：「冇！我個樣係西西哋，大眼睛，但其實父母係中國人！」她強調自己相貌天然冇整過，至於昨日所穿的泳衣高衩易走光，問到有否整理過體毛？陳凱琳說：「OK！件泳衣顏色好靚。」另節目原訂昨晚8時錄影，但遲遲未開始，擔任星級選民的曾志偉不滿爆粗：「X你老味，港姐係live，點解要錄影。」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange