吳雨霏（Kary）、許志安和蔡卓妍（阿Sa）等前晚在灣仔會展出席新城音樂會，情傷後首復出的Kary頂替病倒的G.E.M.唱壓軸，有傳她的新歌《今夜煙花燦爛》是憑歌寄意，她說：「你覺得呢首歌講復合咩？只係話未分開前嘅美好回憶。」問情侶篋怎處理？她說：「屋企收埋咗，去旅行先算，可能到時買新呢。」她否認樂仔曾求婚及患有抑鬱症，另有指她整容箍煲，她說：「呢個話題講咗20幾年，好悶，冇話接唔接受（整容），開心咪整，呢啲係個人喜好。」
阿Sa就承認返內地探男友陳偉霆班，是否同房？她笑說：「你哋話呢？唔使講得咁清晰啦！」她與許志安均表示暫未考慮與另一半結婚。現場見欣宜又肥了一個碼，她直認肥了，但認為健康更重要。
採訪：王連連
攝影：陳志嵐
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange