醫生和飲食業似乎扯不上關係，曾是腦科醫生的Patrick卻在20年前開過佳餚店、佳餚廚等餐廳，可算是飲食業的老大哥。在兩小時的訪問中，帶點書卷味的他說了不下數次，「我退咗休啦，都係唔好講做醫生嘅嘢，集中講番飲食吧！」記得93年時還是腦科醫生的他，認識了淺水灣酒店經理Joe Lam，在他幫助下，於灣仔開了佳餚店，「自己對食有要求，又鍾意飲酒，出街食唔到自己要求。嗰時市況好，將炒樓賺嘅錢投資開餐廳，順便可以飲飲食食。」新一代可能對佳餚店有點陌生，但老饕對其招牌菜龍蝦炒蛋白、士多啤梨骨無不留下深刻印象。「佳餚店賣嘅係改良中菜，當時食中菜無人會賣紅酒，我哋餐廳有齊所有靚酒，以前Lafite賣千幾蚊，好多名人好似任志剛、黃永玉等嚟捧場。」
九十年代，香港股市創造無數百萬富翁，Patrick亦趁機連開幾間分店，全盛時期共有六間分店，可惜碰上了九七金融風暴，「嗰時周圍都好冷清，根本無客，惟有執完一間又一間。」有多少人跌倒後可以再站起來？數月前他於跑馬地開了Ausone，以平民價賣法式海鮮。「一般餐廳食物成本佔兩至三成，我就超過五成，我唔係想賺大錢，只係希望有個地方可以同老友、熟客分享美食。」 Patrick首推的諾曼第鮮蠔飯，用煮過的蠔水炒意大利飯，蠔很有質感，肉身肥厚，飯煙煙韌韌。訪問到尾聲，不忘問他會否懷念以前行醫的生活，「人生有不同階段，讀書時總有抱負，做醫生往往受到唔少限制，當這個抱負幻滅時，還是較喜歡𠵱家嘅生活吧！」
Ausone（2328 0049）
地址：跑馬地奕蔭街41號地下
一副24字的對聯影響蔡瀾一生，今集《亂噏24》，蔡瀾為你逐句解釋！
點擊以下連結，全集即時重溫！
http://bit.ly/appletalk24