當不少人以成為專業人士作奮鬥目標時，卻又有人捨專業而轉戰出名辛苦又困身的飲食業，為的是對食的執着，或者是一份情意結。他們一個本是市場經理，一個曾是腦科醫生，不約而同地選擇開食店，達成自己的夢。
記者：何嘉茵 攝影：劉永發
經理入街市
重現街頭舊味
甫進入慈雲山的好運街市，除了聽到小販的叫賣聲外，遠處還看到一間小食店，古雅花紋的牆身掛着「懷舊九仔粉」招牌，充滿六七十年代格調，沒想過迎接我們的是位束着短髮、打扮時尚的女子──Wing。老闆Wing與一般中產階級無異，97年中文大學工商管理系畢業後，曾在上市公司擔任市場經理，是高薪一族，但她還有未圓夢想……
「七十年代，父母喺葵涌做小販，媽媽用木頭車賣九仔粉同豆漿，爸爸就賣豬腸粉，佢哋就係咁養大我哋四姊妹，細細個我要幫手睇檔，中三開始幫人補習賺學費，半工讀下讀完大學。」長大後，Wing成了七八十年代舊物的收藏家，似乎想追回昔日逝去的童年，「自己好鍾意黑膠碟、玩具等舊嘢，屋企有過萬件收藏，但味道就儲唔到，好似𠵱家好難搵到正宗嘅九仔粉，出面餐廳嫌製作麻煩，就用銀針粉代替，呢一代好多連九仔粉都唔知係乜。」九仔粉是昔日廣東的家鄉小食，據說是源於一位排行第九的孝子除夕夜為老父煮的一碗美味粉糰，故取名「九仔」，亦由於頭尾尖尖像狗尾巴般，所以又稱「狗仔粉」。
街市見人情
「以前媽媽凌晨兩點就會起身煮九仔粉，粉條要喺滾水上搓，佢雙手搓到甩皮，但幾辛苦都好，媽媽都話只有手作先係最好味，仲記得佢每次煮九仔粉，嗰種香味總會整醒我哋。」為了尋回這種香味，Wing不惜離開花花世界，花了一年時間向媽媽學習此手藝。小本經營要維持生計已難，更遑論賺大錢呢？「我只希望將呢種消失嘅味道重現，喺街市開舖，會搵到商業社會見唔到嘅人情味，簡簡單單幾好！」Wing每朝四時起身磨豆漿，八時開店搓粉條，一星期做足七日，做到雙手脫皮，有苦自己知。「做小販始終係低下層工作，父母最初都反對我開舖。不過，喺佢哋身上學識要認真處理每一樣細節，雖然豬腸粉價錢好平，但我爸嫌供應商交嚟嘅麻醬唔夠香，寧願花時間自製花生醬，呢種堅持好難得。」
九仔粉點做？
九仔小食（6903 8270）
地址：慈雲山中心1樓好運街市1號舖
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange